___ غرائب :
ازاي اقنع أهلي بالسفر لوحدي
لا هو الحقيقة مأقنعتهمش ولا حاجه النفسية مش مستحمله فرهده😅 بالرغم من اني كنت مقررة بس الحقيقة مؤخرا معنديش طاقة اصلا اتكلم واجادل وافكر ازاي اقنع اهلي بالسفر السنه دي😅 ف قررت اعمل اكتفاء داخلي واكتشف اللي مجربتوش في مصر.
ومن موقعي هذا 😂 احب اشكر الصحبة الحلوة اللي ربنا رزقني بيها وشجعتني واللي لولاهم كان زماني شجرة مزهزهه ف البيت🥰
"الكاياك"
من امتع الحاجات اللي جربتها في حياتي مزيج من الاستجمام والاثارة والضحك غير المتناهي.
المهم لو فكرت تجرب.. لما تقع حاول ماتسمعش كلام الفنانه شيرين ب انك تشرب من نيلها.. وخد معك لبس تاني عشان هتغرق حتى لو ماوقعتش في المياه.
الميزة في تجربة الكاياك
ان مش محتاج تدريب قبلها او تعرف التفاصيل التكنكال ولا اي حاجه، قبل م نبدأ الكابتن شرحلنا اللي المفروض نعمله ف عشر دقائق وانطلقنا..
الميزة التانية
انك تكون ماشي ف وسط النيل وفاصل بسيط جدا بينك وبين المياه مختلف تماما عن انك تركب مركب او يخت او غيره، بتحس كدا انك جزء منه💙.
الميزة التالته
هتزود من مهارة الاعتماد على الذات، بغض النظر عن العاق انا، كنت بخلي صحابي يزقوني و يظبطولي الاتجاهات، خصوصا بعد م دخلت ب اقصى سرعه ف حديقة معمول فيها فرح أوبن إير ونا عقلي بيستحضر مشهد " عروووره عرييييس هيهيهيهي"
وبالمناسبه دي بنصحكم بلاش تعملو فرح ع النيل لان وارد تقتحمه واحده قصيره ب كاياك احمر تسألكم عن البوفيه وتظهر في خلفية كل الصور 🙊
ياريت لو في حد م الفرح المذكور هنا يبعتلي الصور لاني تقريبا اتصورت اكتر م العروسه نفسها🙄
المكان في المنيل وحجزنا مع Nile kayak club كنا جروب وحجزنا قبلها بكام يوم.. قعدنا حوالي ساعة واعتقد ممكن حجز مدة اكبر
0 التعليقات:
إرسال تعليق