افضل نوع مطبخ عملي ويعيش وسعره مش غالي
اول حاجه لازم نعرفها المطبخ الالوميتال بيتكون من ايه.
المطبخ الالوميتال بيتكون من جزئين اساسيين هما الشاسيه الي هو عبارة عن العلبة الي بتشيل الضلفة والرف.
الشاسيه ده بيتصنع من علبة ٢.٥×٢.٥
العلبة دي بيبقا ليها اوزان مختلفة الافضل انك تستخدم منها الوزن المحمل علشة يشيل معاك الضلفة والمفصلة وطبعا لما الوزن بيختلف سعر المتر بيختلف
وبيركب في العلبة دي حشو الي انتو ممكن تكونوا سمعتوا عنه بالاسماء دي
1- فيبر
2- كلادنج
3- شيت
4- يوفي uv
هنتكلم عن كل نوع واي الافضل
اول نوع معانا هو الفيبرالفيبر دا في منه انواع كتير وخامات رديئة وخامات عالية افضل خامة فيهم هيا خامة فيبر سالوميل يعني لوقررت تعمل مطبخ فيبر اعمله من خامة سالوميل وانت مطمن.
ثاني نوع هو الكلادنج
الكلادنج عبارة عن خامة بلاستيكية اسمها بولي ايثلين مركب عليها طبقتين من الالمنيوم من الامام ومن الخلف من مميزات النوع ده انه الوانه كتير وقوية من عيوبه انه اقل متانه من الفيبر وقل في تحمل الخدش من الفيبر ولكن يعتبر الكلادنج هو البديل الامثل للفيبر يعني لو ملقيتش اللون الي انت محتاجه في الفيبر ممكن تنتقل للكلادنج ونت مطمن ونوع الكلادنج الي تركبه كلادنج الشوبكي ٢٠٢٠.
ثالث خامة معانا الشيت
معلومة لازم تعرفها قبل ما نتكلم عن الشيت انه بيركب في واجهه المطبخ بس والدواخل بتكون فيبر او كلادنج لان الشيت سعره غالي جدا لو المطبخ كله تعمل من الشيت
الشيت دا عبارة عن لوح المنيوم من نفس خامة الشاسيه والضلفة بمعنى انه اقوى في المتانه من الفيبر والكلادنج بكتير وممكن تلونه بنفس درجة لون الضلفة والشاسيه لانه قابل للتلوين
ودا طبعا افضل نوع مطبخ ممكن تعمله لانه عملي في الاستخدام ويعيش معاك فترة طويلة وكمان ممكن تلونه اي لون من الوان الالمنيوم السادة او الوان الخشمنيوم
وطبعا الشيت ده الي بيتعمل منه المطبخ الخشمنيوم.
رابع نوع اليوفي
والنوع ده الوانه كتير وقوية ولكنه خامة غير عملية نهائيا زي الفيبر او الكلادنج لانه عبارة عن خامة بلاستيكية فهيا غير امنه في المطبخ وكمان سهلة الخدش الى اكبر حد.
تكلمنا عن الشاسيه فاضل الضلفة
الضلفة في الالوميتال اشكالها كتير يعني دي ممكن تعمل سيرش على النت عنها او ممكن تخلي الفني الي هيعملك المطبخ يوريلك عينات منهم ولكن انا هتكلم عن واحدة منهم بالاخص لانها الاكثر شيوعا بسبب متانتها وشكلها الجميل والبسيط وهيا الضرفة الدبل
الضرفة الدبل باختصار عبرة عن فريم سمكه حوالي نص سم بيركب في حشو من الي ذكرناهم فوق
بس من اسمها نعرف انها بيركب منها طبقتين واحدة من الامام وواحدة من الخلف في المنتصف فل عشان يزود متانه الضلفة الي كبر حد ممكن
1- اول نوع معانا مطبخ الالمنيوم فيبر درفة دبل
لو الدرفة دبل متركبلها طبقة فيبر واحدة ليها سعر ولو متركبلها طبقتين ليها سعر
2- ثاني نوع المطبخ الالمنيوم مع الكلادنج في نوع من الكلادنج سعره اقل بس خليك في الخامة الافضل هتعيش معاك😉
3- ثالث نوع هو المطبخ الالمنيوم مع شيت الوان سادة
4- رابع نوع هو المطبخ الالمنيوم مع شيت الوان خشمنيوم 2D الوان شركة الدولية
5- خامس نوع هو المطبخ الالمنيوم مع شيت الوان خشمنيوم 3D الون شركة الدولية
وطبعا كل الانواع دي عملية في الاستخدام وشكلها شيك وعمرها الافتراضي طويل ولكن هما مترتبين كدا بالافضلية يعني كل نوع بيبقا افضل من الي قبله
0 التعليقات:
إرسال تعليق