اعطال البوتجاز وطريقة اصلاح جميع الاعطال بنفسك دون الحاجه الى فني يستغلك

اعطال البوتجاز اسباب وطريقة تصليح

1- نار الشوايه أو الفرن بتضعف وبتطفي بعد مده صغيره من التشغيل ؟
السبب - لا يوجد تهويه داخل الفرن
الحل - ترك مسافه ورا البوتاجاز + تركيب أرجل البوتاجاز + فتح الدرج أسفل البوتاجاز ، وفي حاله تشغيل الشوايه فقط يجب فتح باب الفرن ووضع صاجه حمايه الاوكر.
لو بردو بتفصل
نصنفر الحساس الاول
ولو بردو بتفصل
بيكون عيب الحساس او الموبينه في المحبس ويلزم تغيرها. 

شعلة البوتاجاز تنطفئ

2- نار شعله من الشعلات ضعيف ؟

السبب - انسداد الفونيه
الحل - تسليك الفونيه بدبوس رفيع جدا وبحرص

3- نار الشعلات فاجأه كلها ضعيفه وايضا الفرن ؟

السبب - مصدر الغاز به مشكله
الحل - تغيير منظم الانبوبه - أو مراجعه شركة الغاز

4- يوجد هباب بالشعله ؟

السبب - نقص كميه الغاز الواصله للشعله
الحل - تسليك الفونيه وايضا الشعلات
طب لسه فيه هباب
كده هيتم تغير الفونيه. 

5- يوجد رائحه غاز رغم قفل الاكره ؟

السبب - محبس الغاز باظ نتيجه تلف منظم الانبوبه أو المحبس اتخبط او نتيجه رفع البوتاجاز من الاكرة لنقل البوتاجاز لمكان آخر. 
الحل - تغيير المحبس ، ومنظم الانبوبه إذا كان هو السبب

6- باب الفرن مش بيقفل كويس ؟

السبب - تلف مفصلات الباب نتيجه وضع حمل على الباب أو فتح الباب زياده عن مشواره. 
الحل - تغيير المفصلات بنفس النوع القديم ولازم فني اللي يغيرها. 

7- البوتاجاز بيكهرب ؟

الاول هنقلب الفيشة ونعكسها ولو لسه بيكهرب
السبب - تلامس أو انهيار عزل أحد أسلاك الضفيره الكهربيه.
الحل - إحضار فني بوتاجازات للكشف عن العيب وإصلاحه باستخدام أجهزه الكشف الكهربيه ( مثال الافوميتر ). 

8- الاشعال الذاتي مش شغال ؟

السبب - لو كل الاشعال مش شغال يبقى مولد الاشعال باظ ، لو إشعال إحدى العيون مش شغال يبقى شمعه الاشعال غير واصله. 
الحل - تغيير مولد الاشعال - أو تغيير شمعه الاشعال بعد مراجعه أنها واصله بس مش شغاله وتجربه صنفره الجزء المعدني البارز من شمعه الاشعال اولا قبل تغييرها ربما يكون به اكسده هي التي تمنع خروج الشراره الكهربيه. 

9- سويتش اللمبه أو الشوايه أو الاشعال الذاتي بيعلق أو مضغوط بالداخل ولا يخرج ؟

السبب - كثره تراكم الزيوت والشحوم. 
الحل - تغيير السويتش من خلال فني لأن يلزم فك سطح البوتاجاز. 

10- ماتور الشوايه لا يعمل. 

بيتم تغيره بواحد جديد. 

11- زجاج الباب اتكسر. 
هتاخد معاك مقبض الباب وهتجيب زجاج علي نفس حجمه عشان اقطار فتحات الزجاج ويتم تركيبه.