هل تكييف انفرتر موفرللكهرباء؟ وهل يوجد تكييف موفر اصلا؟
نشتري "التكييف" إنڤرتر ولا عادي ؟؟ 😒
ناس كتير سألتنا نشتري تكيف إنڤرتر ولا تكيف عادي؟
تعالى وأقولك :-
ما المقصود بمكيف انفرتر؟
الاول - إيه الفرق بينهم في طريقة التشغيل؟
الإنڤرتر : لما بيشتغل يبدأ يحسب فرق درجات الحرارة بين درجة الحرارة اللي انت محددها ودرجة حرارة الغرفة الفعلية.
1- لو لقي الفرق كبير يبدأ يشتغل الكمبرسور بطاقة أعلى من طاقته ممكن توصل لـ ١٢٠٪.
2- مش بس كده، لما بيوصل لدرجة الحرارة المحدده مش بيفصل بيخلي الكمبرسور يشتغل على سرعة أقل.
3- العادي : الكمبرسور بيشتغل لما يوصل لدرجة حرارة الغرفة اللي انت محددها وبعدها يفصل،
وبعد لما درجة الحرارة تبدأ تقل يقوم ويشتغل تاني وهكذا ....
من الكلام دا نشوف ايه ان كل جهاز ليه مميزات.
- إيه مميزات كل جهاز؟
بناءً على طريقة التشغيل :-
مميزات جهاز الإنڤرتر
1- بيكون أسرع في التبريد.
2- ثبات في درجات الحرارة.
3- هدوء أكتر في التشغيل.
4- بيوفر في استهلاك الكهرباء أكتر.
مميزات الجهاز العادي
1-سعره أقل😂😂 ودا يسعدنا.
2- صيانه أسهل بالنسبة للفنيين.
3- عشان عارفينه كويس واتعاملوا كتير جدا، اما الانفرتر بيكون محتاج متخصصين.
4- تقدر انت بنفسك تتعامل معاه.
5- تكلفة الصيانة وقطع الغيار أقل.
- نشتري إيه؟
أشتري تكيف إنفرتر ولا تكيف عادي 🤔 وانجزني 😂
أبسطهالك وبدون كلام كتير :-
الفرق بين الإنڤرتر والعادي لو هنشغل جهاز واحد ونص حصان ٨ ساعات في اليوم مثلا ، تقريبا من ٥٠ لـ ١٠٠ جنية شهريًا تقريبا
معاك فرق سعر الانفرتر هاته فهو استثمار علي المدي البعيدمش معاك فرق السهر هتدفعه بالقسط علي علي الفاتوره
هتدفع هتدفع 😂😂😂😂
الخلاصة :-
لو هتجيب تكييف قدرتة كبيرة وتشغله مده طويلة يبقى خليك إنڤرتر
لو هتجيب تكييف قدرتة صغيره وتشغله مده قصيرة يبقى خليك عادي.
قولنا ف الكومنات عندك تكيف ايه وانفرتر ولا عادي؟
0 التعليقات:
إرسال تعليق