ارخص سعر تكلفة رحلة عمرة في مصر 2024
هتكلم معاكم على تجربتي في طريقه الحجز لتاشيره الترانزيت للسعوديه والمشاكل اللي واجهتها وازاي بفضل الله اتحلت. اولا انا حجزت تذكرتين ليا ولوالدتي عن طريق شركه طيران فلاي ناس.التذكرتين كانت من القاهره الى جده والعوده من المدينه الى القاهرهِ.
بعد ما دفعت ثمن التذاكر المفروض اني ادخل اعمل الستوبر فيزا او تاشيره الترانزيت من جوه البورتال بتاع فلاي ناس.
طبعا من جوه البورتال بتاع فلايناس بدخل على اداره التذكره يعني وبحاول اقدم على التاشيره.
كنت بملى البيانات كلها بس لما كنت لما كنت بدوس على submit او Apply كان دايما بيطلع لي Rejected Application.
احد الاخوه الافاضل نصحني ان انا اعمل فصل للتذكره لان التذكرتين كانوا على نفس الكونفورميشن مع بعض.
بالفعل من جوه فلاي ناس في اختيار ان انا اقدر اعمل فصل للتذكره بحيث ان كل شخص يبقى ليه كونفرميشن منفصل لوحده.
وبناء عليه كنت بستخدم كل كمفورميشن واحاول اقدم له على التاشيره الخاصه بيه اعتقادا بان دي هتحل المشكله.
للاسف المشكله ما اتحلتش وكنت لسه بواجه ان الابلكيشن ريجيكتد.
احد الاخوه الافاضل نصحني ان انا ازود رقم صفر في اخر رقم الباسبور واحاول.
بالفعل زودت رقم صفر وفضلت احاول كذا مره مش من مره واحده لحد ما قبل ودخلني على الصفحه ان انا ادفع ثمن التاشيره اللي هي كانت تقريبا 96 ريال سعودي.
ولما جالي التاشيره على الايميل جالي تاشيرتين واحده منهم برقم الباسبور المظبوط والثانيه برقم الباسبور اللي متزود فيه صفر.
طبعا انت بتتجاهل تماما التاشيره اللي جاي فيها رقم صفر في الاخر واعتبرها كانها ما جتش.
وبكده انا قدرت احل مشكله تذكره واحده او تاشيره واحده ولسه فاضل التاشيره الثانيه بتاعت والدتي.
حاولت ان انا اتابع نفس الخطوات اللي انا اتبعتها في التاشيره بتاعتي ولكن كلها فشلت ، زودت رقم صفر وفشلت زودت صفرين وفشلت وكان دايما بيطلع لي ريجيكتد ابلكيشن.
قعدت ادور على الانترنت ودخلت على وزاره الخارجيه السعوديه وقلت اقدم على التاشيره من المنصه الخاصه بوزاره الخارجيه مباشره بدون استخدام فلاين ناس عن طريق استخدام رقم التذكره وحجز تذكره الطيران.
وبالفعل عملت كده وبدات امشي في الخطوات وطلب مني الايميل ان انا اعمل signup وكتبت الايميل اللي هو نفس الايميل اللي انا كنت بستخدمه في فلاين ناسِ.
بعد ما فتحت حساب على وزاره الخارجيه بالايميل اللي انا كنت بستخدمه في فلاين ناس وعملت له اكتيفيشن.
بالصدفه البحته لما رجعت على البورتال بتاع فلاين ناس عشان اجيب رقم التذكره عشان اكمل الاجراءات بتاعه وزاره الخارجيه لقيت التاشيره جاهزه للدفع عن طريق فلاي ناس وبالفعل دفعت من جوه فلايناس والتاشيره طلعت على طول في ساعتها.
اللي عايز اقوله ان في علاقه وطيده بين ان انا لما عملت اكتفيشن للايميل بتاعي لما عملت ساين اب signup بالايميل بتاعي من جوه منصة وزاره الخارجيه
ده خلي البورتال بتاع فلاي ناس يقدر يأكسبت التاشيره على طول ويدخلني على المرحله اللي هي بتاعه الدفع.
اتمنى المحاولات دي تساعد الناس اللي عندها مشاكل في استخراج التأشيرات.
0 التعليقات:
إرسال تعليق