هل الالماظ سعره بيغلي زي الدهب وهل يعتبر وسيلة جيدة لحفظ قيمة الفلوس زي الدهب ؟!
خليني اقنعك بشكل مبسط
الألماظ عبارة عن تبلور ذرات الكربون بسبب درجة الحرارة العالية والضغط الرهيب تحت القشرة الأرضية على عمق ١٢٠ كيلومتر اللي مفيش أي بشر يقدر يحاكي الضغط الرهيب ده معملياً أو علمياً حتى عصرنا الحالي بالإضافة انه بياخد وقت طويل علشان يتبلور بشكل حجر ألماظ من مئات السنين وساعات بيوصل لملايين السنين .. ولأنه بيتكون بصعوبة زمنية وعلى اعماق رهيبة ف المعدات اللي تقدر توصل للأعماق دي وتتعامل مع درجات الحرارة العالية تحت القشرة الأرضية أو في فوهات البراكين لما البركان بينتر حجر الألماظ على السطح بتكلف الجهة القائمة على التعدين ملايين الدولارات... ف علشان كدا الألماظ سعره غالي جداً...
طب اقولك على حاجة.. شوفت الزلط الأبيض اللي لما تكسره نصين تلاقيه بيلمع من جوة ؟ ده نوع من انواع تبلور الكربون والكبريت والماغنسيوم... بس ليس له قيمة عارف ليه ؟ لأن بيتكون على اعماق سطحية ومش بياخد وقت علشان يتكون ومحدش مهتم انه يستخرجه... بس هو شكل من أشكال الألماظ!!! تخيل ؟!!
ف الألماظ لما بيتم استخراجه مجرد ما بيتشكل ويتصقل مش بيتسيح أو يتصهر ويتعاد تشكيله... خلاص هو بيتشكل مرة واحدة بس.. عكس الدهب.. تقدر تسيحه وتشكله عدد لا متناهي من المرات لغاية ما روابطه الكيميائية تتكسر من فرط ضغط السحب والتشكيل والتكسير الحراري..
ف علشان كدا الدهب يعتبر وعاء نقدي لسهولة تشكيله... عكس الألماظ اللي مجرد ما اتشكل في شكل جوهرة اتحطت ف خاتم أو حلق خلاص.. بيفضل على الشكل ده ومش بيتغير... ف الناس بتعتبره مجرد زينة مش وسيلة لحفظ النقد....
وحاجة تانية ... علشان الألماظ سعره غالي جداً محدش بيقدر يدفع سعره غير الأغنياء جداً ... اللي هما أصلاً عندهم وسائل كتير لحفظ النقد زي الأصول والإستثمار في مجال الأعمال وغيره... ف مش محتاج وعاء نقدي لا يعاد تشكيله... بل انه لو احتاج يحتفظ بالتكلفة الحدية لفلوسه بيحولها لسبايك دهب....
ف علشان كدا مش بيكون عليه طلب كبير عكس الدهب وبالتالي إعادة بيعه بطيئة ف بيخسر كتيييير من تمنه..
0 التعليقات:
إرسال تعليق